SIMO G bincit su „Killa Combat Scratch Italia“ 2012!

Est cun praxeri mannu chi ligeus chi su tataresu Simo G est su bincidori de su Killa Combat Scratch Italia 2012! Sa pàgina ofitziali nàrat:

"Simo G: su prus potenti, tènnicu, lìmpiu e stilosu de totus, at fatu balli s'esperièntzia cosa sua apitzus de is pratus e s'est biu in sa gara. Cun dònnia beat at cumprovau chi est meri totu."

No teneus àteras novas, perou gei ndi eus a chistionai beni, mancai pubrichendi totu su chi at a bessiri in s'arretza (vìdius, màginis, ecc.) e puru unu pregontu chi unus cantu mesis a oi emus fatu a s'amigu Simo G, candu iat bintu su de tres postu a su IDA ITALY: THE SCRATCH.

Bravu meda Simone: sa Sardìnnia est amostendi chi, puru chi no nci at sa "scena" e is ocasionis po si cunfrontai apari chi nci at in continenti, tenit digeis bravus e potentis, àbilis a binci garas mannas e a produsi mùsica de calidadi. Eus a torrai a ndi chistionai luegus de custu puru.

Ah: oi est su compleannu de Dj Valium! Norabonas Stefano! Tui puru ses imbecendi!